पुणे- चांदणी चौकात पादचारी पुलाचे काम सुरु होणार आहे. हे पादचारी पूलाचे काम कोल्हापूर येथील ‘एमडी इंफ्र’ या कंपनीला देण्यात आले असून राष्ट्रीय महामार्ग प्राधिकरण आणि ‘एमडी इंफ्र’ यांच्यातील शेवटच्या टप्यातले कराराचे काम सुरू आहे. पुढील महिन्यात पादचारी पूल उभारण्याचे काम सुरू होईल अशी माहिती. राष्ट्रीय महामार्ग प्राधिकरण कार्यालयाकडून देण्यात आली.
राष्ट्रीय महामार्ग प्राधिकरणाकडून चांदणी चौकात लवकरच पादचारी मार्ग (फूट ओव्हर ब्रिज) उभारला जाणार असून त्यासाठी निविदा प्रक्रीया पूर्ण झाली आहे. चांदणी चौकातील ‘एसटी’चा नवीन बस थांबा ते ईरानी कॅफे बावधन असा शंभर मीटरचा लोखंडी पादचारी पूल असणार आहे.
महामार्गाच्या दूसऱ्या बाजूला जायचे असल्यास तीन किलोमीटर पायी जावे लागते, अन्यथा तीन किलोमीटर अंतरासाठी तब्बल एकशे बीस रूपये मोजून भाड्याने रिक्षा करून जावे लागते. पादचारी मार्ग झाल्यावर सुरक्षीतरित्या पाच मिनटात महामार्ग ओलांडता येईल व प्रवाशांना होत असलेल्या गैरसोईतून सुटका होईल.
प्रवाशांची सुरक्षा व गैरसोय होऊ नये म्हणून, केंद्रीय राज्यमंत्री मुरधीर मोहोळ यांनी रस्ते वाहतूक आणि महामार्ग मंत्री नितीन गडकरी यांना पत्र देऊन तात्काळ पादचारी पूल उभारण्याची मागणी केली आहे.
Users Today : 11
Total views : 198161