पिंपरी-चिंचवड, – आमदार आणि भाजप शहराध्यक्ष शंकरभाऊ जगताप यांच्या संकल्पनेतून पिंपरी-चिंचवड शहरात यंदा श्री हनुमान जयंती विविध धार्मिक आणि सांस्कृतिक कार्यक्रमांनी साजरी होणार आहे. या विशेष कार्यक्रमांतर्गत शनिवारी, १२ एप्रिल २०२५ रोजी सकाळी ८ वाजता काळेवाडी येथील आरंभ बँक्वेट हॉल येथे १,१११ भक्तांच्या उपस्थितीत श्री हनुमान चालीसाचे सामूहिक पठण होणार आहे.
या भक्तिमय कार्यक्रमासोबतच शहरात प्रथमच पारंपरिक भारतीय जोर-बैठक स्पर्धेचे आयोजन करण्यात आले आहे. भारतीय संस्कृतीचे जतन आणि प्रचार-प्रसार करण्याच्या उद्देशाने ही स्पर्धा आयोजित करण्यात आली आहे.
स्पर्धेचे वयोगट आणि पारितोषिके पुढीलप्रमाणे:
वयोगट १० ते १५ वर्षे:
- प्रथम पारितोषिक – ₹५००१ आणि प्रशस्तीपत्रक
- द्वितीय – ₹४००१ आणि प्रशस्तीपत्रक
- तृतीय – ₹३००१ आणि प्रशस्तीपत्रक
वयोगट १५ ते २० वर्षे:
- प्रथम – ₹६००१ आणि प्रशस्तीपत्रक
- द्वितीय – ₹५००१ आणि प्रशस्तीपत्रक
- तृतीय – ₹४००१ आणि प्रशस्तीपत्रक
वयोगट २० ते २५ वर्षे:
- प्रथम – ₹७००१ आणि प्रशस्तीपत्रक
- द्वितीय – ₹६००१ आणि प्रशस्तीपत्रक
- तृतीय – ₹५००१ आणि प्रशस्तीपत्रक
स्पर्धेसाठी नियम व अटी:
- नावनोंदणी आवश्यक आहे (ऑनलाइन किंवा ऑफलाइन)
- स्पर्धेचे नियम आयोजक ठरवतील
- दिलेल्या वेळेत जास्तीत जास्त जोर-बैठका करणाऱ्या स्पर्धकास पारितोषिक
नावनोंदणीची अंतिम मुदत: ११ एप्रिल २०२५ रोजी संध्याकाळी ५ वाजेपर्यंत आहे.
नावनोंदणीसाठी संपर्क:
- जोर-बैठक स्पर्धा: काळूराम नढे – 9922908522
- हनुमान चालीसा पठण: आकाश भारती – 9545142477
या कार्यक्रमाच्या निमित्ताने शहरात भक्तिभावासोबत आरोग्य आणि परंपरेचा संगम घडणार असून, नागरिकांनी मोठ्या संख्येने उपस्थित राहावे असे आवाहन आयोजकांनी केले आहे.
