अलार्ड विद्यापीठाच्या स्कूल ऑफ हेल्थ अँड बायोसयन्सेसचा अभ्यास दौरा

पुणे, : अलार्ड विद्यापीठाच्या स्कूल ऑफ हेल्थ अँड बायोसयन्सेसच्या विद्यार्थ्यांनी नुकतेच शैक्षणिक अभ्यास दौर्‍याचा भाग म्हणून मांजरी येथील वसंतदादा शुगर इन्स्टिट्यूटला औद्योगिक भेट दिली. या दौर्‍यात ३५ पदवीधर विद्यार्थ्यांनी उत्साहाने सहभाग घेतला होता. येथे त्यांना  कृषी सूक्ष्मजीव विज्ञान, अनुवंशशास्त्र आणि आण्विक जीवशास्त्र आणि वनस्पती ऊती संवर्धन या विभागाची माहिती मिळाली.तसेच विद्यार्थ्यांना उत्पादन तंत्रज्ञान, किण्वन उद्योग आणि संशोधनाशी संबंधित पैलूंद्वारे जैवतंत्रज्ञानाच्या औद्योगिकी अनुप्रयोगाबद्दल माहिती मिळाली.
शुगर संस्थेत बी.जी. माळी यांनी कृषी सूक्ष्मजीवशास्त्र विभागात व्हीएसआयने उत्पादित केलेल्या जैव खताबद्दल आपले विचार मांडले. शुभम पाटील यांनी वनस्पती ऊती संवर्धन विभागाविषयी थोडक्यात माहिती देताना उसाच्या ऊती संवर्धनाची माहिती दिली. तसेच श्रीमती माधवी घन यांनी अनुवंशशास्त्र आणि आण्विक जीवशास्त्र विभाग दाखवला आणि त्याचे थोडक्यात वर्णन केले.
हा शैक्षणिक दौरा अलार्ड विद्यापीठाचे संस्थापक अध्यक्ष आणि कुलपती डॉ.एल.आर. यादव यांच्या प्रेरणेने आणि विद्यापीठाचे कुलगुरू डॉ. पूनम कश्यप यांच्या परवानगीने शक्य झाले. आरोग्य आणि जैवविज्ञान शाळेचे डीन प्रा.डॉ. अजय कुमार जैन यांनी या दौर्‍यासाठी सर्व शिक्षक आणि विद्यार्थ्यांना प्रोत्साहन आणि मार्गदर्शन केले आणि शैक्षणिक उत्कृष्टतेमध्ये त्याचे योगदान याबद्दल सविस्तर माहिती दिली. तसेच या दौर्‍याचे समन्वयन स्कूल ऑफ हेल्थ अँड बायोसायन्सेसच्या डॉ. दिशा सेंजलिया आणि डॉ. सविता पेटवाल यांनी केले.