आयडीएफसी फर्स्ट बँकेच्या संचालक मंडळाची बैठक पार पडली. यावेळी तिमाही तसेच ३१ मार्च २०२४ रोजी संपलेल्या आर्थिक वर्षासाठी लेखा परीक्षण करण्यात आलेल्या आर्थिक निकालांची घोषणा करण्यात आली. या परिणामांमध्ये प्रामुख्याने बँकेचा करानंतरचा निव्वळ नफा (पीएटी) वार्षिक २१ टक्यांने वाढला. हा नफा आर्थिक वर्ष २०२३ मध्ये २,४३७ कोटी रुपये होता, तो आर्थिक वर्ष २०२४ मध्ये २,९५७ कोटी रुपयांवर पोहोचला. दोन्ही वर्षांतील व्यावसायिक उत्पन्न वगळता पीएटीमध्ये वार्षिक २८ टक्क्यांनी वाढ झाली आहे. बँकेचा प्री प्रोव्हिजनिंग ऑपरेटिंग प्रॉफिट (व्यावसायिक उत्पन्न वगळता पीपीओपी) वार्षिक ३१ टक्क्यांनी वाढून ६,०३० कोटींवर पोहोचला.तो आर्थिक वर्ष २०२३ मध्ये ४,६०७ कोटी रुपये होता.बँकेचे निव्वळ व्याज उत्पन्न (एनआयआय) वार्षिक ३० टक्काने वाढून आर्थिक वर्ष २०२४ मध्ये १६,४५१ कोटी रुपयांवर पोहोचले. आर्थिक वर्ष २०२३ मध्ये हे उत्पन्न १२,६३५ कोटी रुपये होते. बँकेचे शुल्क आणि इतर उत्पन्न वार्षिक ४० टक्काने वाढून आर्थिक वर्ष २०२४ मध्ये ५,७९५ कोटी रुपयांवर पोहोचले. आर्थिक वर्ष २०२३ मध्ये ते ४,१४२ कोटी रुपये होते. कोर ऑपरेटिंग उत्पन्न आर्थिक वर्ष २०२४ मध्ये २२,२४५ कोटी रुपयांवर पोहोचले. आर्थिक वर्ष २०२३ मध्ये ते १६,७७७ कोटी रुपये होते. तिमाही पातळीवर बँकेचा निव्वळ नफा आर्थिक वर्ष २०२३ मध्ये ८०३ कोटी रुपये होता तो आर्थिक वर्ष २०२४ च्या चौथ्या तिमाहीत ७२४ कोटी रुपये होता.बँकेच्या एकूण ठेवी (ठेवी प्रमाणपत्रासह) वार्षिक ३८.७ टक्क्याने वाढल्या आहेत. या ठेवी ३१ मार्च २०२३ पर्यंत १,४४,६३७ कोटी रुपये होत्या. त्यात ३१ मार्च २०२४ पर्यंत २,००,५७६ कोटी रुपयांवर पोहोचल्या. ग्राहकांच्या ठेवी वार्षिक ४१.६ टक्क्याने वाढून ३१ मार्च २०२४ पर्यंत १,९३,७५३ कोटी रुपयांवर पोहोचल्या. या ठेवी ३१ मार्च २०२३ पर्यंत १,३६,८१२ कोटी रुपये होत्या. बँकेच्या ढोबळ अनुत्पादक मालमत्ता (जीएनपीए) ३१ मार्च २०२३ रोजी २.५१ टक्के होता. त्यात ६३ बेस पॉईंट्सची (बीपीएस) सुधारणा होऊन त्या १.८८ टक्क्यांवर पोचल्या. निव्वळ अनुत्पादक मालमत्ता (एनएनपीए) ३१ मार्च २०२३ रोजी ०.८६ टक्के होत्या. त्यात २६ बेस पॉईंट्सची (बीपीएस) सुधारणा होऊन त्या ०.६० टक्क्यांवर पोचल्या.
या निकालांबाबत बोलताना आयडीएफसी फर्स्ट बँकेचे व्यवस्थापकीय संचालक आणि सीईओ श्री. व्ही. वैद्यनाथन म्हणाले, “बँकेने क्रेडिट सब्स्टिट्यूट्ससहित एकूण जमा आणि अॅडव्हान्सेसचा ४,००,००० कोटी रुपयांचा मोठा पल्ला ओलांडला आहे, हे सांगताना मला आनंद होत आहे. जीएनपीए आणि एनएनपीए या अनुक्रमे १.८८ टक्के आणि ०.६० टक्के अशा सर्वकालीन सर्वोत्तम पातळीवर असून मालमत्तांचा दर्जा कायम ठेवला जात आहे. हे आमच्यासाठी अधिक महत्त्वाचे आहे. सर्व जुन्या पायाभूत सोईसुविधा कर्जांचा यात समावेश करण्यात आला आहे. पायाभूत सोईसुविधा कर्जांना वगळले तर जीएनपीए आणि एनएनपीए या अनुक्रमे केवळ १.५५ टक्के आणि ०.४२ टक्के एवढ्याच आहेत. मालमत्ता दर्जांचे सर्व निकष स्थिर आहेत.
ते म्हणाले की आमच्या जमा रक्कम उभ्या करणाऱ्या शाखा या आमचे सर्वात मोठे शक्तिस्थान आहेत. आमचे कासा (CASA) गुणोत्तर ४७ टक्क्यांच्या जवळपास असून ते उद्योगातील सर्वोत्तम पैकी एक आहे. आर्थिक वर्ष २०२४ साठी आमचे इन्क्रिमेंटल क्रेडिट टू डिपॉझिट गुणोत्तर ७६ टक्के एवढे कमी होते. सीडी गुणोत्तर पहिल्यांदाच ९८.४ टक्के म्हणजे १०० टक्क्यांपेक्षा खाली आले आहे. आर्थिक वर्ष २०२५ मध्ये ते आणखी खाली येण्याची आम्हाला अपेक्षा आहे.
ते पुढे म्हणाले की, ”आर्थिक वर्ष २०२४ मध्ये पीएटी वार्षिक २१ टक्क्याने वाढून २९५७ वर पोचला. सर्वात महत्त्वाचे म्हणजे कोर पीपीओपी (व्यावसायिक उत्पन्न वगळता) बँकेच्या इतिहासात पहिल्यांदाच वार्षिक ३१ टक्क्याने वाढून ६,०३० कोटींवर पोहोचला. हे प्रमाण आणि बळकट नफा यामुळे भारतीय आर्थिक सेवांमध्ये असलेल्या विलक्षण संधींमध्ये भाग घेण्याचे बळ आम्हाला मिळते. आम्ही आत्मविश्वास आणि आशेने भविष्याकडे पाहत आहोत.
