नवी दिल्ली –
राष्ट्रपती भवनातील गणतंत्र मंडपम येथे झालेल्या भव्य समारंभात राष्ट्रपती द्रौपदी मुर्मू यांनी सी.पी. राधाकृष्णन यांना भारताचे १५ वे उपराष्ट्रपती म्हणून पदाची व गोपनीयतेची शपथ दिली.
या ऐतिहासिक शपथविधी सोहळ्याला पंतप्रधान नरेंद्र मोदी, सरन्यायाधीश न्यायमूर्ती भूषण गवई, लोकसभा अध्यक्ष ओम बिर्ला, माजी राष्ट्रपती रामनाथ कोविंद, माजी उपराष्ट्रपती जगदीप धनखड, तसेच अनेक केंद्रीय मंत्री उपस्थित होते.
महाराष्ट्रातून मुख्यमंत्री देवेंद्र फडणवीस, उपमुख्यमंत्री एकनाथ शिंदे, विधानसभेचे अध्यक्ष राहुल नार्वेकर, विधान परिषदेचे सभापती प्रा. राम शिंदे यांनीही उपस्थित राहून सोहळ्याला साक्षीदार केले.
याशिवाय विविध राज्यांचे मुख्यमंत्री, राजकीय नेते, उच्चपदस्थ अधिकारी आणि समाजातील मान्यवर मोठ्या संख्येने उपस्थित राहिले होते
