मिस पुणे फेस्टिव्हल स्पर्धेसाठी२० तरुणींची अंतिम फेरीसाठी निवड

३६व्या पुणे फेस्टिव्हलमध्ये Pune festival ‘मिस पुणे फेस्टिव्हल’ही स्पर्धा यंदा १०वे वर्ष साजरे करीत असून १८ ते २५ वयोगटातील १५०हुन अधिक तरूणींनी या व्यक्तिमत्व व गुण स्पर्धेत सहभाग घेतला. त्याची प्राथमिक फेरी नुकतीच एन.आय.इ.एम. फरग्युसन रोड येथे पार पडली. सिनेमाटोग्राफर अमेय अवधानी, अभिनेत्री व मॉडेल साक्षी पाटील, शो डायरेक्टर व ग्रुमिंग मेंटॉर जुई सुहास यांनी अतिम फेरीसाठी २० युवतींची निवड केली. या २० जणींना प्रशिक्षण दिले जात असून, सौंदर्य, सर्वसाधारण ज्ञान, कुटुंब व समाजाबद्दलच्या भावना, त्या बरोबरच त्वचा, केस व दंत चिकीत्सा, फोटोजनिक चेहरा व नृत्य या आधारे अंतिम फेरी सोमवार दि. १६ सप्टेंबर २०२४ रोजी सायं ६:०० वाजता श्री गणेश कला क्रीडा रंगमच येथे संपन्न होईल, ज्येष्ठ गायिका व बँकर अमृता फडणविस यांच्या हस्ते मुगुट परिधान केला जाईल.