🔹 शिव – फुले – शाहू – आंबेडकर – लोकमान्य व्याख्यानमालेचे तृतीय पुष्प चिंचवडमध्ये संपन्न
पिंपरी-: “स्वराज्यासाठी कसे जगावे शिवरायांनी शिकवले, पण देश-धर्मासाठी कसे मरावे हे शंभूराजेंनी दाखवून दिले!” असे ठाम प्रतिपादन सुप्रसिद्ध व्याख्याते प्रा. नितीन बानगुडे पाटील यांनी केले. जय भवानी तरुण मंडळ आयोजित, चिंचवड येथील श्री दत्त मंदिर चौकात सुरू असलेल्या ‘शिव – फुले – शाहू – आंबेडकर – लोकमान्य’ व्याख्यानमालेतील तिसऱ्या पुष्पात, त्यांनी ‘छत्रपती संभाजी महाराज: धगधगती अंगारगाथा’ या विषयावर इतिहासाला स्पर्श करणारे विचार सादर केले.
🗣️ प्रा. बानगुडे-पाटील म्हणाले: “शंभूराजे म्हणजे विद्येचा, पराक्रमाचा आणि त्यागाचा मंत्र!”
- शंभूराजेंचे ज्ञान, शौर्य, आणि धर्मनिष्ठा हा आजच्या पिढीसाठी आदर्श आहे.
- इंग्रजीसह १६ भाषा, राज्यशास्त्र, अर्थशास्त्रातील ज्ञान आणि मल्लखांब-घोडेस्वारीसारखी युद्धकला यामध्ये त्यांनी प्रावीण्य मिळवले.
- कैद झाल्यानंतर केलेल्या अत्याचारांनी त्यांचे बलिदान अधिक महान ठरते.
👥 प्रमुख मान्यवरांची उपस्थिती:
सदर कार्यक्रमात सागर धुमाळ (अध्यक्ष), भगवान पठारे, नारायण बहिरवाडे, नरेंद्र बनसोडे, आदित्य हजारे, राजू दुर्गे, आयुष निंबारकर, भावेश भोजने आणि मुख्य संयोजक मारुती भापकर यांची व्यासपीठावर उपस्थिती होती.
सूत्रसंचालन राजेंद्र घावटे यांनी केले. मारुती भापकर यांनी आभार प्रदर्शन केले.
