पुणे – : भारतातील नंबर १ ट्रॅक्टर निर्यात ब्रँड असलेल्या सोनालिका ट्रॅक्टर्सने ऑक्टोबर २०२५ मध्ये आजवरच्या सर्वाधिक मासिक विक्रीची कामगिरी नोंदवत २७,०२८ ट्रॅक्टर्सची विक्री केली आहे. जीएसटी कपातीनंतरचा हा सर्वात मोठा महिना ठरला असून, ही कामगिरी अचंबित करणारी आहे. उद्योगातील इतर प्रमुख ब्रँड्सच्या तुलनेत सर्वाधिक एकंदर ३४.८ टक्के वाढीची या कामगिरीला चालना मिळाली असून ही वाढ संपूर्ण ट्रॅक्टर उद्योगाच्या वाढीपेक्षा २.३ पट (अंदाजे) अधिक आहे. कंपनीने याच महिन्यात बाजारातील वाट्यामध्ये २.२ टक्के वाढीची नोंद केली आहे. कंपनीची नाविन्यपूर्णता, शेतकरीकेंद्रित धोरण आणि सर्व टीम व डीलरशिपमध्ये सहयोगाचे त्यात प्रतिबिंब पडले आहे.
प्रत्येक शेतातील शेतकऱ्यांच्या खऱ्याखुऱ्या गरजांचे योग्य निराकरण व्हावे याची सोनालिका कंपनी सतत काळजी घेते. कंपनीने या महिन्यात सर्वाधिक डिलिव्हरी, बिलिंग आणि जागतिक क्रमांक १ ट्रॅक्टर प्लांटमध्ये उत्पादनाची नोंद करून अनेक नवीन विक्रम प्रस्थापित केले आहेत. हे सर्व सखोल नियोजन, उत्कटता आणि सामूहिक क्षमतेवरील विश्वासाच्या जोरावर शक्य झाले आहे. हे यश केवळ तांत्रिक क्षमतेपुरते मर्यादित नसून शेतामध्ये श्रमणाऱ्या हातांशी कंपनी किती सखोलपणे समरस आहे याचे या कामगिरीत प्रतिबिंब पडले आहे आणि निश्चय व कठोर मेहनतीचे हे प्रतीक आहे.
या यशाबाबत आपले विचार व्यक्त करताना इंटरनॅशनल ट्रॅक्टर्स लिमिटेडचे संयुक्त व्यवस्थापकीय संचालक श्री. रमन मित्तल म्हणाले, “ट्रॅक्टर्सवरील जीएसटी कपातीनंतर ऑक्टोबर २०२५ हा आमच्यासाठी सर्वात मोठा महिना ठरला आहे. आम्ही २७,०२८ ट्रॅक्टर्सची विक्रमी विक्री करून आमच्या वाटचालीत एक नवा वैभवशाली अध्याय लिहिला आहे. ट्रॅक्टर उद्योगात सर्वाधिक ३४.८ टक्के वाढ मिळवून आम्ही उद्योगाच्या सरासरी कामगिरीपेक्षा २.३ पट यश संपादन केले आहे, बाजारातील वाटा सर्वाधिक तसेच २.२ टक्क्यांनी वाढला आहे. अशा भव्य यशांमुळे आमची बांधिलकी आणि एकत्रित प्रयत्न अधोरेखित होतात. हे आमच्या ‘जज्बा’चे — एकत्र जिंकण्याच्या भावनेचे — प्रतीक असून ते खऱ्या अर्थाने आयटीएलच्या अदम्य ऊर्जा आणि संकल्पाचे दर्शन घडवते. एक संघ म्हणून आम्ही एकत्र असून आमचा प्रत्येक हेवी ड्युटी ट्रॅक्टर शेतकऱ्यांच्या सक्षमीकरणाचे प्रतीक आहे. भारताचा पुढील यशस्वी प्रवास रचण्यासाठी आम्ही शेतकऱ्यांच्या पाठीशी सदैव उभे राहू.”
