ssc result | पुणे – उद्या दुपारी १ वाजता, लाखो विद्यार्थ्यांच्या काळजाचा ठोका चुकवणारा क्षण उजाडणार आहे. SSC परीक्षेचा निकाल ऑनलाईन जाहीर होणार असून, कित्येक स्वप्नं… कित्येक दिशा ठरवणारी ही घडी अखेर आली आहे!”
महाराष्ट्र राज्य माध्यमिक आणि उच्च माध्यमिक शिक्षण मंडळाकडून (MSBSHSE) घेण्यात आलेल्या इयत्ता दहावीच्या परीक्षेचा निकाल मंगळवार, १३ मे २०२५ रोजी दुपारी १ वाजता ऑनलाईन जाहीर होणार आहे. बोर्डाच्या अधिकृत संकेतस्थळावर हा निकाल पाहता येणार असून, राज्यातील लाखो विद्यार्थ्यांची प्रतीक्षा अखेर संपली आहे.
🔍 निकाल पाहण्यासाठी अधिकृत संकेतस्थळे:
- https://results.digilocker.gov.in
- https://sscresult.mahahsscboard.in
- http://sscresult.mkcl.org
- https://results.targetpublications.org
📄 मूळ गुणपत्रिका शाळेमार्फत
निकाल ऑनलाईन पाहिल्यानंतर काही दिवसांतच विद्यार्थ्यांना त्यांच्या शाळांमधून मूळ गुणपत्रिका वितरित करण्यात येणार आहेत. त्यामुळे निकाल पाहिल्यानंतर विद्यार्थ्यांनी शाळेशी संपर्क साधावा, असे मंडळाने स्पष्ट केले आहे.
🏫 अकरावी प्रवेश प्रक्रियेसाठी केंद्रीकृत ऑनलाईन व्यवस्था
निकाल जाहीर झाल्यानंतर सुरू होणाऱ्या अकरावी प्रवेश प्रक्रियेत गोंधळ आणि गैरसोय टाळण्यासाठी शिक्षण विभागाने यंदा केंद्रीकृत ऑनलाईन प्रवेश प्रक्रिया राबवण्याचा निर्णय घेतला आहे. यामुळे विद्यार्थ्यांना वेगवेगळ्या महाविद्यालयांमध्ये फेऱ्या मारण्याची गरज भासणार नाही.
या प्रक्रियेबाबत बोर्डाने प्रसिद्धीपत्रकाद्वारे सविस्तर माहिती दिली असून, विद्यार्थ्यांनी अधिकृत संकेतस्थळावर वेळोवेळी अपडेट्स पाहावेत, असे आवाहन करण्यात आले आहे.
🎯 निकालासोबतच पुढील टप्प्यांची तयारी सुरू करा
बारावीच्या निकालानंतर आता दहावीचा निकालही जाहीर होणार असल्यामुळे विद्यार्थ्यांनी पुढील शैक्षणिक टप्प्यांसाठी वेळ न घालवता तयारी सुरू ठेवावी. यशस्वी विद्यार्थ्यांचे अभिनंदन आणि पुढील वाटचालीसाठी शुभेच्छा!
