पुणे – : हिल्टनने आज बेंगळुरू आणि गोवा येथे ‘स्पार्क बाय हिल्टन’ हॉटेल्स सुरू करण्याची घोषणा केली असून, या ब्रँडचे आशिया पॅसिफिकमध्ये आगमन झाले आहे. हे उद्घाटन हिल्टनच्या ऑलिव्ह हॉस्पिटॅलिटीसोबत देशभरात १५० ‘स्पार्क बाय हिल्टन’ हॉटेल्स सुरू करण्याच्या धोरणात्मक करारावर आधारित आहे.
भारतातील लाँचिंगसाठी, ‘स्पार्क बाय हिल्टन’ स्थानिक प्रवाशांच्या गरजा आणि अपेक्षा लक्षात घेऊन काळजीपूर्वक तयार करण्यात आले आहे. आराम, सोय आणि उत्कृष्ट अतिथी अनुभवांवर लक्ष केंद्रित ठेवत हा ब्रँड भारतीय बाजारपेठेसाठी स्वतःला कसे अनुकूल करू शकतो, हे यातून दिसून येते. मोफत नाश्त्याव्यतिरिक्त ज्यामध्ये खास ‘डीआयवाय’ डोसा स्टेशन्स असतील , नवीन ‘स्पार्क बाय हिल्टन’ हॉटेल्स प्रादेशिक सेवेचे पैलू सादर करतील, जसे की सेल्फ-सर्व्ह चाय- कार्ट , निवडक ठिकाणी जिम आणि इन-रूम डायनिंग यांसारख्या सुविधा, तसेच चार्जर, बॅटरी आणि स्नॅक्स यांसारख्या अत्यावश्यक वस्तू पुरवणारी वेंडिंग मशीन्स उपलब्ध असतील. यातील प्रत्येक सुविधा मुक्कामादरम्यान येणाऱ्या अडचणी कमी करण्यासाठी आणि प्रवाशांचा प्रवास अधिक सुकर करण्यासाठी डिझाइन करण्यात आली आहे. डिजिटल चेक-इन, डिजिटल की , सर्व्हिस रिक्वेस्ट सपोर्ट आणि हिल्टन ऑनर्स अँप इंटिग्रेशन यांसारखी तंत्रज्ञान-सक्षम वैशिष्ट्ये पाहुण्यांना अधिक सुलभ अनुभव देण्यासाठी तयार केली गेली आहेत.
हिल्टनचे वरिष्ठ उपाध्यक्ष आणि प्रादेशिक प्रमुख (दक्षिण आशिया), जुबिन सक्सेना म्हणाले, “आधुनिक भारतीय प्रवासी झपाट्याने बदलत आहेत, ग्राहक आता अशा ब्रँडेड मुक्कामाचा शोध घेत आहेत जे गुणवत्ता, सुविधा आणि सुसंगतता प्रदान करतील. ‘स्पार्क बाय हिल्टन’ थेट ही गरज पूर्ण करते आणि ऑलिव्ह हॉस्पिटॅलिटीसोबतची आमची भागीदारी आम्हाला या बाजारपेठेला साजेशा वेगाने पुढे जाण्यासाठी व्यासपीठ उपलब्ध करून देते. या पहिल्या दोन उद्घाटनांसह, आम्ही असे उत्पादन सादर करत आहोत जे हिल्टनचे विश्वासार्ह सेवा मानक राखत आजच्या व्यावहारिक प्रवाशांच्या पसंतीस उतरेल.”
हे उद्घाटन हिल्टन आणि ऑलिव्ह हॉस्पिटॅलिटीने भारतातील पहिल्या १० ‘स्पार्क बाय हिल्टन’ स्वाक्षऱ्यांच्या घोषणेनंतर झाले आहे. आगामी वर्षांत जयपूर, नाशिक, मथुरा, पुणे, राजकोट आणि हैदराबाद या प्रमुख व्यावसायिक आणि पर्यटन कॉरिडॉरमध्ये अतिरिक्त ‘स्पार्क बाय हिल्टन’ हॉटेल्स उघडण्याची अपेक्षा आहे.
‘स्पार्क बाय हिल्टन’ हॉटेल्स हे हिल्टनच्या २८ वेगवेगळ्या हॉटेल ब्रँड्ससाठी असलेल्या पुरस्कारप्राप्त अतिथी लॉयल्टी प्रोग्राम ‘हिल्टन ऑनर्स’ मध्ये सहभागी आहेत. जे हिल्टन ऑनर्स सदस्य थेट हिल्टनच्या पसंतीच्या चॅनेलद्वारे बुकिंग करतात त्यांना तत्काळ लाभ मिळतात, ज्यामध्ये लवचिक पॉइंट्स आणि मनी पेमेंट पर्याय, विशेष सदस्य सवलत आणि मोफत मानक वाय-फाय समाविष्ट आहे. सदस्यांना केवळ हिल्टन ऑनर्स मोबाईल अँपपद्वारे उपलब्ध असलेल्या लोकप्रिय डिजिटल साधनांचाही आनंद घेता येतो, ज्यामध्ये डिजिटल चेक-इन, रूम निवड आणि डिजिटल की समाविष्ट आहे.
